عبر فيديو بثه المغني المصري حسن شاكوش و هو يمارس الرياضة في احدى الصالات الرياضية تحدث فيه حول المخدرات فقال شاكوش:” بنصح كل الشباب اللى بتشرب مخدرات، واللى ماشى في طريق مش كويس وهيضيعه بنصح كل الناس تنزل تتمرن في الجيم ويكون عندك هدف في حياتك”.
و أضاف شاكوش:” إخواتي وحبايبي أنا كنت طالع دلوقتي عشان نتكلم فى حاجة مهمة بقول للشباب إن كل واحد لازم يبقى عنده طموح وهدف في دماغه إنه يحققه ومحدش ييأس, تاني حاجة أنا كحسن شاكوش أهو رغم الشغل بتاعي وأكل عيشي إحنا بنقدم حاجة للناس تفرحها وتبسطها والناس بترقص على أغانينا والكلام ده، بس ده حاجة والشغل حاجة والحياة الشخصية حاجة تانية, أنا بتكلم إن أنا رغم الضغوطات والشغل أنا حياتي الشخصية إني بنزل كل يوم أروح الجيم أتمرن وباكل كويس ولازم تنام كويس ولازم تخاف على صحتك اللي ربنا ادهالك”.
وكان قد طرح الفنان المصري حسن شاكوش فيديو كليب لأغنيته الجديدة “حبيبتي افتحي شباكك أنا جيت”، عبر قناته الخاصة على “يوتيوب”, وتعاون حسن في هذا الكليب مع المخرج هادي الباجوري، وكان لافتاً وجود الممثلة المصرية يا سمين رئيس والتي ظهرت وهي ترقص مع حسن في الكليب, وتصدر الفيديو كليب موقع التواصل الإجتماعي، وحصد أكثر من مليون مشاهدة بأقل من 24 ساعة.
