نشر الفنان شريف دسوقي غبر صفحته الرسمية على منصة التواصل الإجتماعي فيسبوك منشورا تحدث فيه عن نفسه و ماعاناه في حياته فكتب:” انا المثال للشخص اللى ممكن تشوفه من وجهة نظرك منحوس ، يوم ما الدنيا ابتسمتلى رفعت ايديها بكل قوتها ونزلت على وشي وفوقتني من وهم السعادة اللي عيشتني فيه, حلم حياتي أكون معروف ومشهور وموجود فى وسط الحاجة اللى بحبها وبعد تعب وشقى سنين قدرت ، قدرت اعمل كل اللي بحلم بيه ، واخلى الناس كلها تشوفني فى كل موقف بيقابلهم فى حياتهم ، قدرت اسببلهم سعادة بسيطة هى جزء رئيسي من طموحي ، ربنا وهبلى القبول والناس حبتني زي ماحبتهم لكن مفيش حاجة بتدوم”.
و تابع دسوقي:” وكل العجب إن الحاجة والسبب الرئيسى فى صعودك تكون هي الضربة القاضية اللى تنهى كل أمالك وتقضى عليك نفسيا..ابتديتها من تحت الصفر ، طول عمرى بشقى وبتعب ومحدش حاسس بيا ولا حد واخد باله منى ، مستنى نص فرصة إنى اثبت إنى موهوب وموجود وقد ثقة الناس اللى هتشوفني ، سنين من عمرى راحت وانا بجري من مكان لمكان أدور على دور ينصفنى ويشيل الغيامة من على عيون كل اللى حواليا واثبتلهم قد إيه انا فنان كبير وتقيل أوي في مجالي”.
الجدير بالذكر أن الفنان شريف دسوقي نقل قبل مدة إلى مشفى دار الشفاء بعد تعرضه لمشاكل صحية و بتر قدمه اليسرى و اهتمت الدولة المصرية بحالة الفنان الصحية بعد توجيهات الرئيس السيسي حيث صرح أن الدكتور خالد مجاهد، مساعد وزيرة الصحة والسكان للإعلام والتوعية والمتحدث الرسمي للوزارة، أوضح بأنه أنه تم نقل الفنان شريف دسوقي بواسطة سيارة إسعاف مجهزة وفريق من المسعفين، مؤكدًا أنه سيتم مناظرة حالته الصحية فور وصوله مستشفى دار الشفاء من قبل فريق طبي يضم استشاريين في تخصصات الجراحة العامة، وجراحة الأوعية الدموية، والباطنة، وأمراض السكر، وإجراء كافة الفحوصات الطبية لاستكمال علاجه على نفقة الدولة بناء على توجيهات الرئيس السيسي.
نوران فكري
