موقع مصرنا الإخباري:
في لقاء له مع تلفزيون اليوم السابع تحدث الفنان محمد شاهين عن المشكلة الحاصلة مع مطرب المهرجانات حمو بيكا بسبب أغنية “شايل وجع”, وقال: قبل رمضان كلمنى مصمم البوسترات يعمل عند حمو بيكا قالى بيكا عاوزك فى الاستوديو روحت واتكلمنا قالى عندى أغنية لقيت كلامها كويس وسجلناها سوا، وبعد ما خلصنا كذا مرة أروح لبيكا الاستوديو غير متواجد، وبعد كده كلمته عشان نكلم فى حقوق الملكية والتفاصيل قالى حقوق الأغنية كلها ليا، وقالى اعتبر الأغنية مش هتنزل ولا غنيت وهشيلها من الألبوم واليوم اتفاجئ الأغنية تنزل على اليوتيوب، وحاولت اتصل بحمو بيكا لقيت كل الأرقام مغلقة، فكتبت البوست على فيس بوك عشان أجيب حقي، وبعد البوست كلمني مدير أعماله بأسلوب غير لائق، أنا دلوقتي ماشي فى الخطوات القانونية عشان أجيب حقي”.
أما حمو بيكا فكان رده عبر حسابه الخاص على منصة التواصل الإجتماعي فيسبوك فكتب:” بخصوص أغنية قلبي شايل وجع بتاعتي أنا ومحمد شاهين، أنا مطلبتش إن الأغنية دي تترفع، الأغنية دي اترفعت وأنا نايم لأني قبل ما أنام كنت عامل لايف إني مأجل شغلي بالكامل تضامنا مع إخواتنا في بلدنا الثانية فلسطين، وأن الأغنية تم فتحها والشير بدون علم مني، وأن الشركة المسؤولة عن السوشيال ميديا هي اللي فتحتها.. ملحوظة الأغنية دي أصلا مش من ضمن شغلى، وتحياتي لكل إخواتي واهلي وجمهوري الكبير اللي بيحبني وبيسمعني في جميع محافظات مصر والوطن العربي انتم على راسي”.
