موقع مصرنا الإخباري:
كعادته الفنان تامر حسني لا يتوانى عن مساعدة أي شخص يحتاجه، قام الفنان حسني بزيارة للطفل مصطفى شاهين الذي يعاني من شلل في الجهاز الهضمي.
وحرصت والدتة مصطفى، على توجيه الشكر لحسني من خلال منشور نشرته عبر وسائل التواصل الاجتماعي، وكتبت به، :«أول ما حالة مصطفى وصلت للفنان تامرحسني، لقيناه بعدها بساعه جاي من آخر الدنيا جري من منطقة الشيخ زايد للتجمع الخامس عشان يطمن على مصطفى وبالصدفه مصطفى اصلًا بيحب تامر حب مش عادي وبيتفرج على افلامه هو بس لدرجة لما شافه مصدقش وافتكر أن دا واحد شبه تامر».
وأضافت،:«ابني عنده شلل في الجهاز الهضمي كله مفيش امعاء ولا معده ولا بنكرياس ولما بيتوجع مينفعش ياخد مسكن أو أي دوا يعني ألم طول الحياه ومفيش صحه نهائي ودا مأثر على ادراكه، نفسي ابني يرجع زي صورته اللي في اول الڤيديو قبل المرض ادعوله ارجوكم وناشدوا معايا كل الجهات المسؤله في دولتنا العظيمه انقذوا مصطفى الموضوع مش سهل ومش أي حد يقدر يعمله لصعوبة الخطوات والتكاليف اللي بتتجاوز ٣٦ مليون جنيه الموضوع اكبر من الأشخاص عشان كدا اتمنى صوتي يوصل لكل الجهات المعنيه الفاضله وشكراً لكل اللي حاولوا يساعدوني».
واختتمت حديثها بـ :«شكراً يا تامر على سرعة استجابتك وعلى كل اللي قولته واللي عملته امبارح واللي لسه بتحاول تعمله عشان طفل انت متعرفهوش ربنا يراضيك يا ابني وينصرك ويسترك دنيا وآخره».
المصدر: المصري اليوم
