موقع مصرنا الإخباري:
إذا كنت تحاولين تقديم ألأكلات جديدة لأسرتك ومفيدة، نقدم لك اليوم الكوسة بأكثر من طريقة بطعم لايقاوم مناسبة لأطفالك وتحتوي علي فيتامين وعناصر غذائية قيمة بطرق مبتكرة.
طريقة عمل كوسة بانية
المقادير
- 1 كيلو كوسه
- 1 بيضة
- 1 كوب بقسماط مطحون
- 1 كوب دقيق
- 1 كوب لبن
- 1 معلقة صغيرة ثوم مهروس
- 1 معلقة صغيرة عصير ليمون
- 1 معلقة صغيرة بابريكا
- 1 معلقة صغيرة ملح
- 1 معلقة صغيرة فلفل اسود
- 1 معلقة صغيرة كمون
- 1 كوب زيت قلي
الطريقة
نقطع الكوسة شرائح طوليه ونتبلها بالكمون والبابريكا والملح والفلفل وعصير الليمون والثوم المفروم.
ونتركها ربع ساعة حتى تشرب التتبيل ثم نخلط البيض مع اللبن ونسخن الزيت في المقلاة.
ثم نضع الكوسة في الدقيق ثم في خليط البيض واللبن ثم البقسماط ونحمرها في الزيت ثم تقدم.بالهنا
طريقة عمل قوارب الكوسة باللحمة المفرومة
المقادير
كيلو كوسة
نصف كيلو لحمة مفرومة معصجة ومضاف عليها معلقتين صلصة
3 معالق دقيق
3 معالق سمنة بلدى
لتر لبن / حليب
معلقة ببريكا / معلقة ملح / معلقة فلفل
معلقتين زيت ذرة
1 كوب جبنة موتزاريلا / 1 كوب جبنة شيدر
الطريقة
الاول بنعمل الكوسة بالمعلقة ونفرغها من النص كلها وبعدين نحط عليها ملح وفلفل وندخلها الفرن لمدة 20 دقيقة
فى الوقت دة هنحضر البشاميل ننزل ب 3 معالق دقيق عليهم 3 معالق كبيرة سمنة بلدى ونقلبهم كويس وبعدين ننزل بالحليب ونقلب لحد ما يتقل وبعدين نضيف ملح وفلفل ونطفى عليهم ونحط الجبنة الكريمى
ندهن الصنية بتاعتنا من تحت بصوص البشاميل
نرص قوارب الكوسة
نحط عليها اللحمة المفرومة المعصجة وطبعا الطريقة بالتفصيل هتلاقيها فى فيديو على صفحتى
بعدين ننزل عليهم بالجبنة الشيدر والموتزاريلا وندخل الصينية الفرن لمدة 20 دقيقة على درجة حرارة 180 وبالهنا والشفا
الكوسة المقرمشة باللحمة
المقادير
كيلو كوسة
نصف كيلو لحمه مفرومة
بصلة صغيرة مفرومة ناعم
التتبيلة( ملح فلفل اسمر بابريكا ثوم بودر كثبرة جافة بهارات لحمة ملعقة كبيرة نشا )
الطريقة
نعمل الكوسة و تقطع وتقور حسب الحجم المطلوب كما موضح بالصور ٠
نتبل اللحمة ونعملها كورات صغيرة ٠
نحشى الكوسة بكورات اللحم وتوضع فى خليط مكون من كوب دقيق بيضة تتبيلة اللحمة وماء كافى للحصول علي قوام وسط ثم توضع فى البقسماط وتقلى فى زيت ساخن حتى الاحمرار وبالهنا
