وجّه الرئيس عبدالفتاح السيسى رسالة إلى عسكرى بمرور مطروح، يُدعى «أيمن»، ٢٩ سنة، خلال جولته فجر أمس، بالدراجة، قائلًا: «اطحن نفسك وماتاكلش وماتنامش ولا تخلِّى حد يغلبك أبدًا».
ودار حوار بين الرئيس عبدالفتاح السيسي، خلال جولته فجر اليوم بالدراجة بمدينة العلمين الجديدة، وأحد العساكر يدعى أيمن من محافظة المنوفية.
وقال الرئيس: خليك دوغري يا أيمن المنايفة دول أنا عارفهم كويس خاصة بتوع أشمون وقولي عايز إيه؟.
ورد العسكري: أنا والدي من المنوفية ومولود هناك بس أنا مولود في العامرية بالإسكندرية، وعندي 29 سنة، وعندي مكتبة مأجرها.. بس أنا عايز شغل لما أخلص خدمتي وجيشي السنة اللي جاية أشتغل في عمل ثابت.
وقال الرئيس: أنت لسه صغير، وإن شاء الله تخلص الجيش في شهر أبريل، وسأله السيسي: لو المكتبة اللي عندك دي عايز تاخد واحدة أكبر منها تبقي بكام في الشهر؟.
رد الشاب: هيبقي إيجارها حوالي 3 آلاف جنيه في الشهر ياريس، بس هتبقى في مكان كويس وتكسب أكتر؛ لأن المكتبة اللي أنا واخدها دلوقتي دي بـ٣٠٠ جنيه في الشهر، والناس الكبار اللي جنبي مبيخلوش الصغير يكبر.
وأجاب الرئيس: “عيب هزعل منك، وأقولك أنا أطحن نفسي، ومكلش، ومنمش، ولا حد يغلبني أبدًا وأبقى جامد وقوي”.
واختتم الرئيس: كل سنة وأنت طيب يا أيمن.. سلملي على والدك، موجهًا بأخذ بياناته.
