في حوار أجرته الممثلة المصرية “نيللي كريم” في برنامج (شيخ الحارة و الجريئة) الذي يعرض على قناة القاهرة و الناس و تقدمه الإعلامية ايناس الدغيدي, تحدث نيللي عن المشكلة التي حصلت بينها و بين القائمين على فيلم “التوربيني” حيث قالت :” اترشحت لفيلم التوربيني وحضرت بروفتين وكان إخراج أحمد مدحت واشتغلت معاه بعد كده فى مسلسل اختفاء ولكن مكناش نعرف بعض وبعدين بقينا أصحاب, المنتج هشام عبد الخالق اتصل فيا وقلي :أنا عايز أقولك حاجة إحنا مش عايزينك فى الفيلم وكنت مضايقة وواخدة عربون ومرجعتش العربون وقلت لهم مش هرجع العربون.
و أضافت كريم: المنتج قالي مش عايزينك علشان أنتي مستهترة ومقليش تفاصيل ومعرفش لحد دلوقتي السبب ومشيت من الفيلم والفيلم الحمد لله منجحش”، مؤكدة أنه ليس من الأفلام التي تغضب لعدم مشاركتها فيه كما أنها ليست على خلاف مع أيا من النجوم الذين شاركوا في الفيلم، والعربون حقها لأنهم هم الذين استبعدوها من الفيلم.
و خلال اللقاء تحدث الفنانة عن أصعب لحظات حياتها عند مرض والدتها و قالت:” أمي كانت مع بنتي فى البيت وحست بتعب وكانت بنتي عندها سنتين واللي حصل أن أمي وقعت وهي بتعمل بطاطس على النار، والبطاطس بدأت تولع البوتاجاز وأمى كانت مدركة وزحفت على بطنها وطفت البوتاجاز لأن الدخان كان كتير, أول لما شوفت أمى فى المستشفى أنهرت ومقدرتش استحمل وساعتها كلمت أخي فى أمريكا وبلغته يجي وأنا من كتر صعوبة الموقف قلت استحالة أمي هتقوم من الأزمة والحياة كانت صعبة قوي وساعتها حسيت أنى من غيرها ولا حاجة وهي مصدر الامان وضهري.
